اتجوز ليه
سؤال ممكن يخطر على بال بنات كتير بس متفهمونيش غلط مش ليه بمعنى انى مش لازم اتجوز بس كمان لازم افهم الجواز ليه وبنعمل بيه ايه
هل ممكن متجوزش اصلا ومش هتفرق يعنى ولا لازم اتجوز
طيب ولو اتجوزت اعمل ايه علشان ماخدش نفس مسار اللى قبلى خدوه لانه مش عاجبنى فعلا وبيمثلى كابوس كل ما افكر فالجواز
ياترى هبقى زى نجلاء واطلق بعد سنه ومعايا طفل وتنتهى حياتى
ولا هبقى زى دعاء واعيشها زى ما تيجى واسيب الدنيا تودينى وافتكر انى قررت اسيب التدابير لله مع انى اصلا قررت الا اقرر
ولا هكون زى سناء واعمل فيها سعيده وافضل ابرر تصرفات جوزى واحاول احلى شكله وجوايا نفسي الاقى فرصه انفجر فيها لحد ما امرض بكل الامراض النفسيه والعضويه سكر وضغط وخلافه
هنا هنقول لبعض نعمل يه
هنا هنلاقى ايد تطبطب على جراحنا وتمدلنا ايد العون بجد ومن غير مقابل
هنا هنساعد بعض علشان كل بيت مننا يخرج منه صلاح الدين وعمر ابن الخطاب وذات النطاقين
منتظراكم وعلى مواعد معاكم السبت الجاى بامر الله
بحبكم فى الله
ليست هناك تعليقات:
إرسال تعليق